ვიქტორ ორბანი: ბრიუსელის იმპერიას არ სურს უკრაინის დახმარება, არამედ სურს მისი კოლონიზაცია

უნგრეთის პრემიერ-მინისტრმა ვიქტორ ორბანმა გააკრიტიკა ბრიუსელი უკრაინისთვის სამხედრო დახმარების გაგრძელების გამო და განაცხადა, რომ ევროკავშირს უკრაინის „კოლონიზაცია“ სურს. ეს განცხადება ორბანმა უნგრეთის ეროვნული დღისადმი მიძღვნილ ღონისძიებაზე სიტყვით გამოსვლისას გააკეთა.

„ბრიუსელის იმპერიას არ სურს უკრაინის დახმარება, არამედ – მისი კოლონიზაცია. ევროპის მმართველებმა გადაწყვიტეს, რომ უკრაინამ უნდა გააგრძელოს ომი, იმის მიუხედავად, თუ რა ჯდება ეს. სანაცვლოდ, ისინი მიიღებენ სწრაფად გაწევრიანებას კავშირში, ჩვენი ფულით. ამაზე მხოლოდ ერთი პასუხი შეგვიძლია, გვქონდეს: კავშირი, მაგრამ უკრაინის გარეშე“, – განაცხადა ორბანმა.

ამასთან, გამოსვლაში ორბანმა აღნიშნა, რომ დროა, განადგურდეს იმ არასამთავრობოების, ჟურნალისტების, პოლიტიკოსების ჩრდილოვანი არმია, რომლებიც ანაზღაურებას აშშ-დან და ბრიუსელიდან იღებენ.

ვიქტორ ორბანი გეგმავს, გაამკაცროს კონტროლი იმ არასამთავრობო ორგანიზაციებსა და მედიასაშუალებებზე, რომლებიც დაფინანსებას აშშ-ის საერთაშორისო განვითარების სააგენტოსგან (USAID) და ჯორჯ სოროსისგან იღებენ.

The Brusselian empire isn’t helping Ukraine, it’s colonising it. War is the tool, and EU membership is the bait. All at our expense. Hungary was never asked about the war, but they will have to ask us about Ukraine’s accession. We call for a Union, but without Ukraine! pic.twitter.com/EWOfw6rVmF

— Orbán Viktor (@PM_ViktorOrban) March 15, 2025