ჰაკან ფიდანი: საქართველო არის მნიშვნელოვანი სტრატეგიული პარტნიორი, ორივე ქვეყანამ დაამყარა ერთმანეთთან სამაგალითო ურთიერთობა

„საქართველო არის მნიშვნელოვანი სტრატეგიული პარტნიორი და ჩვენ ძალიან წარმატებით განვაგრძობთ ამგვარი ტიპის მეგობრულ ურთიერთობას“, - ამის შესახებ თურქეთის საგარეო საქმეთა მინისტრმა ჰაკან ფიდანმა თურქეთში, ქართველ კოლეგასთან მაკა ბოჭორიშვილთან შეხვედრის შემდეგ განაცხადა.

როგორც ფიდანმა აღნიშნა, თურქეთი საქართველოს უპირველესი სავაჭრო პარტნიორია ბოლო 16 წლის მანძილზე.

„ამ ძალისხმევის შედეგად ორივე ქვეყანამ დაამყარა ერთმანეთთან სამაგალითო ურთიერთობა, რაც რასაკვირველია მოგებიანია და სასარგებლოა ორივე მხარისათვის თანაბრად. ამას ძალიან დიდი მნიშვნელობა აქვს და ჩვენ დიდი ყურადღებით ვეკიდებით

ჩვენი ძალისხმევა ძირითადად არის რეგიონული მშვიდობის დამყარებისკენ მიმართული, ამიტომ ორივე ქვეყანა ცდილობს, რომ დიდი წვლილი შეიტანოს ენერგორესურსების განვითარებაში ჩვენს რეგიონში. ამისთვის ძალიან მნიშვნელოვანია ვახსენოთ ბაქო-თბილისი-ჯეიჰანის უმნიშვნელოვანესი მილსადენი, ნავთობსადენი, რომელიც აგრეთვე ენერგოუსაფრთხოების კუთხითაც დიდ როლს თამაშობს.

ჩვენ დავამყარეთ, როგორ სამმხრივი, ასევე, ორმხრივი ურთიერთობები სხვადასხვა ფორმატში და აქედან გამომდინარე, რა თქმა უნდა, მიგვაჩნია და მიგვაჩნდა საქართველო, როგორც ჩვენი ერთ-ერთი უმნიშვნელოვანესი პარტნიორი. თურქეთი უპირველესი სავაჭრო პარტნიორი გახლავთ საქართველოსთვის ბოლო 16 წლის მანძილზე“, - აცხადებს თურქეთის საგარეო საქმეთა მინისტრი.